Илназ Гарипов яңа җыр тәкъдим итте
«Адашуыммы син?» дип атлаган җырны Илнур Сабирҗанов язган.
Илназ Гарипов яңа җыр яздырган. «Адашуыммы син?» дип атлаган җырны ул инстаграмдагы сәхифәсенә куйды.
«Тыңлап карагыз әле. Ничек булган? Илнур Сабирҗанов көе һәм сүзләре», — дип яза ул.
Инстачылар җырны ошаткан ошатуын. «Матур килеп чыккан. Яңача», диләр.Тик бу җырны моңа кадәр дә ишеткәннәр ахрысы. «Кемдер җырлый иде ахры бу җырны? Искә генә төшми», — дип язалар.
Илназ моңа җавап язган. «Үзем җырлый идем», — ди ул.
«Бик матур җыр. Мәхәббәт җырларын күп җырлыйсың, ә үзең һаман ялгыз. Кемне көтәсең?» — дип сорыйлар. Монысына Илназ җавап язмаган әле.