Илназ Гарипов виртуаль дусларын елаткан
Җырчы әбисе белән утырганын видеога төшергән.
Илназ Гарипов әбисен яңа фатирына алып килгән. Алар икәүләп диванда утыралар, әбисе сүзсез генә аның кулын сыпырып, яратып утыра.
«Бер сүз дә язмыйм әле, ярыймы?» — дип язган җырчы.
Бу видеоны караучыларның күңеле тулган. «Елатасың бит», «Елаттың», — дип язган нечкә күңелле кешеләр.
«Сүзсез дә аңлашыла», «Әби иркәли», «Менә кайда ул чын күңелдән булган чиста ярату хисе. Өлкәннәр белән янәшә утырып тору да җитә», — дип комментарийлар калдырганнар.
Инстачылар әбигә дә, җырчыга да изге теләкләрен язган.
