Илназ Гарипов тоткан уразаның кайсы очракта кабул булмавын әйтте
Җырчы шаян сторислар төшерә.
Инстачелтәрне бу көннәрдә артистларның Рамазан ае башлану белән котлап төшкән фотолары һәм беренче ифтар мәҗлесләреннән видеолар бизи. Илназ Гарипов бу уңайдан шаян сторис төшергән. Шулай итеп инстадусларының күңелен күтәрергә булган.
«Дуслар, халык сынамышларына ышансаң, шушы көннәрдә түбәтәй киеп, яулык бәйләп, яисә мәчет эчендә төшкән фотоларыгызны инстаграм битенә урнаштырмасагыз, тоткан уразаларыгыз кабул булмый», — дигән ул.
