Илназ Гарипов социаль челтәрдә шәрә фотосы белән бүлешкән
Бу көннәрдә җырчы Илназ Гарипов үзенең “Instagram” аккаунтында кызыклы гына бер фото куйды. Фотода аңа, чамасы белән әйткәндә, тугыз яшь.
Әлеге фотода Илназ үзенең мускулларын күрсәткән. Фото астында Илназның “подписчиклары” төрледән-төрле комментарийлар калдырганнар. Күпләр аны бу фотода Брюс Лига охшатканнар, кемнәрдер: “Джеки Чан” дип язганнар, бер ханым “Ну что? Кто следующий? Барыгызга да эләгәчәк” дип язган.
Без, Илназ белән элемтәгә кереп, аның хәзер дә әлеге формада булуын яисә булмавын сорадык.
- Илназ, сәлам! “Instagram”дагы фото буенча шалтратам. Анда мускулларың хәтәр күренә. Хәзер дә фигурың шундыймы?
- Үземне әллә ни үзгәрдем дип әйтә алмыйм. Мускуллар урында.
- Урында булгач, фото көтәм.
Илназның мускуллары, чыннан да, урынында икән. Моны дәлилләр өчен, сезгә фото тәкъдим итәбез. Бүген кызларга “накачанный” егетләр ошый, шуңа күрә, кызлар, сак кына, гашыйк була күрмәгез!