Илназ Баһ, Нурзадә һәм Тинчурин артистлары мобилизацияләнүчеләргә концерт куйган – видео

Кәрим Тинчурин театры, Арча районы якташлыгы белән берлектә, Казан танк училищесы полигонында мобилизацияләнгән татарстанлылар өчен концерт куйган. 

Концертта театр актерлары Рамил Минханов, Илнур Байназаров, Айсылу Мөсәлләмова, шулай ук Татарстанның халык артисты Рөстәм Закиров, Татарстанның атказанган артистлары Илназ Бах, Нурзадә, Илсур Мортаза һәм Тинчурин театры тавыш операторы Ранил Мусеев чыгыш ясаган. 

Мобилизацияләнүчеләр артистлар чыгышын җылы кабул иткәннәр. Фото-видеода егетләрнең, бер дә тартынып тормыйча, алга чыгып биегәннәре, артистлар белән фотога төшкәннәре күренә. 

«Мобилизацияләнгән егетләр кышкы салкын көндә концерт куярга килгән Тинчурин театры белән Арча якташлыгына, үзләрен онытмаулары һәм игътибар өчен ихлас рәхмәтләрен әйтте», – дип хәбәр итә театрның матбугат хезмәте.