Илназ Баһ салкын җилдә җырлый-җырлый әрем җыя
Җырчы әремнән мини себеркеләр бәйләгән.
Илназ Баһ яңа куйган видеода салкын җилдә җырлый-җырлый әрем себеркеләре бәйли.
«Электән әрем себеркесе бәйләгәннәр. Менә мин дә малайларга бәйләп күрсәтәм әле. Мунчада махсус урын әзерләдем. Мичкә эссе салгач, шунда мини себеркене салып куям, әрем исе мунчага тарала. Тын юллары өчен бик файдалы», — дип сөйли җырчы.
Җырчының виртуаль дуслары да әрем җыюлары һәм файдасын күрүләре турында комментарийлар калдырган.
«Файдасы бик күп аның. Җырлый-җырлый җыйгач файдалырактыр инде?» — дип шаяртучылар да бар.
