Илназ Баһның уллары солдат кар бабай ясаган һәм янына басып гармунда уйнаган
Җырчы улларына булышкан.
Илназ Баһ уллары белән солдат кар бабай ясаган һәм барлык ир-атларны, хәтта этләрне дә якынлашып килүче 23 февраль бәйрәме белән котлаган. Җырчының улы солдат кар бабай янына басып гармунда да уйнаган.
«Барлык бабайларны, этләрне, абыйларны, егетләрне якынлашып килүче бәйрәм — Ватанны саклаучылар көне белән котлыйбыз. Илләребез тыныч, күкләребез аяз, гаиләләребез сау-сәламәт булсын», — дип теләгән җырчы.
Инстачылар егетләрнең эшен хуплаган, котлауларын кабул иткән, ә кар бабайның үзенчәлекле булуын билгеләп үткән.