Илназ Баһның укытучысы Альберт Гайнетдинов вафат булган
Ул җырчыны 6 ел дәвамында гармун, курай кебек уен коралларында уйнарга өйрәткән.
Татарстанның атказанган җырчысы Илназ Баһ үзенә киләчәккә юл күрсәткән остазы Альберт Гайнетдиновның вафаты турында инстаграмдагы сәхифәсендә хәбәр итә.
«Әй дөнья, дөнья диген…
Сәнгатькә мәхәббәт уяткан, 6 ел дәвамында гармун, курай кебек уен коралларында уйнарга өйрәткән зур хөрмәткә лаеклы укытучым Альберт Сәләх улы Гайнетдинов вафат.
Мине Казанга җитәкләп алып килеп, «Казан сәнгать училищесына укырга кер, кеше булырсың» дип киңәш итүче олы йөрәкле кеше ул.
Рәхмәт, сезгә барысы өчен дә. Урыныгыз җәннәт түрендә булсын! Сез мәңге йөрәктә!», — дип хатирәләрне барлаган җырчы.
