Илназ Баһ әнисенең туган көненә каз пешергән
Җырчының хатыны туган көннән фотоларны, сатып алган күчтәнәчләрне инстаграмдагы дусларына күрсәтте.
Җырчы Илназ Баһ гаиләсе һәм туганнары белән әнисенең туган көнен билгеләп үткән. Илназ каз турап утыра, ә хатыны Гүзәл Идрисова видеога төшерә.
«Каз пешердем. Булат Бәйрәмов өйрәткәнчә турап карыйк әле», — ди Илназ каз ите кисәкләрен тәлинкәгә тезеп.
Инстачылар сатып алынган тортларны күреп, «ник үзегез пешермисез» дип язганнар. «Вакыт җитми», — дип җаваплаган Гүзәл.
