Илназ Баһ дүртенче һәм бишенче улын да күрсәтте
Җырчы үзе кебек сары чәчле биш малай белән фотосын куйган.
Җырчы Илназ Баһ үзе кебек сары чәчле малайлар белән төшкән фотосын күрсәтте. Фото янына: «Кайсыгыз каршы килә ала минекеләр түгел дип?» - дип язып куйган ул.
Җырчы бу фото белән инстачыларның күңелен күтәргән. Халык «тәгәрәп көлгән» һәм «ут» смайликларын тезеп рәхәтләнгән.
«Минем малай да сары чәчле бит. Тәк, шикләндерә башлады бит хәзер, әйтәм миңа бер дә ошамаган ул», — дип шаярткан алып баручы Рамил Хәйретдинов.
«Берәр төрле пособие бирәләрме әллә? Бөтенесен бергә җыйгансың, синекеләр өчәү генә иде бит»;»
«Исән генә булсыннар, бик сөйкемле егетләр»;
«Булса булыр Илназ, барысы да үзең кебек сап-сарылар, сөйкемлеләр»;
«Әйдә булсын, барысы да синеке»;
«Каршы киләбезме соң, каплаган да куйган, нәкъ үзең»;
«Баһовский малайлар үрчегәннәр», — дип комментарий калдырган җырчының виртуаль дуслары.
«Биш балагыз бармыни?» — дип аптырап берәү.
Игътибарлы инстачы: «Алдыйсың. Беренчесе һәм дүртенчесе синеке түгел», - дип язып калдырган.