Илназ Баһ белән Гүзәл Идрисованың гаиләсе ишәйгән
Җырчы гаилә көчек ашаткан видео куйган.
Җырчы гаилә Илназ Баһ һәм Гүзәл Идрисова эт балалары ашаткан видео куйган. Видеода Гүзәл ике җамыякка бүлеп аш сала. Алты көчек ашка ябырыла, ашыгып ашый да башлыйлар. Уллары эт балаларының тиз ашавына шакката.
Видеога төшереп торучы Илназ «этләргә бездән гуманитар ярдәм», ди.
«Бездә бик күңелле, балаларым күбәйде. Үзем дә кечкенәдән песи, этләргә битараф түгел идем, балаларым да шулай. Кемгә көчек кирәк, бушлай китереп бирәбез», — дип язган Гүзәл Идрисова.
Җырчы гаиләнең бу изге гамәлен хуплаганнар. «Саваплы эш», - дип комментарий калдырганнар.
«Күршеләр, сездә бик күңелле икән. Берәр көнне кереп чыкмый булмас, ахыры. Алайса минем эт тә юк, мәче дә авылда», — дип язган җырчы Нурзадә.
«Эт фермасымыни сездә?»;
«Нинди токымлы эт? Берәр «малай»ны калдырыгыз әле»;
«Кечкенә токым булса, алыр идем», - дип тә комментарийлар калдырганнар.