Татар эстрадасында иң актив җырчыларның берсе Илнат Фәрхуллин чираттагы яңа җырын тәкъдим итә. Мәхәббәт турындагы җыр «Бер очкын» дип атала.
Җырны тыңларга өлгерүчеләр «шәп» дип бәяләгән һәм җырчыны үзләренең районнарында, авылларында концерт белән көтеп калулары турында язганнар.
«Күңелнең хисләрен, иң татлы кичләрен уятып,
Бер очкын кабынды,
Җаныма салды – бервакыт.
Ялкынга күмелде,
Моң булып түгелде күңелдән.
Әйтерсең язлардан,
Иң татлы назлардан үрелгән.
Бер очкын, бер очкын,
Күкләргә мин очтым.
Очкындай кабынды ягымлы карашың.
Бер очкын эретә, бер очкын терелтә.
Мин сине яраттым, мин сине яраттым...»
