Җырчы Илнат Фәрхуллин социаль челтәрдәге сәхифәсендә үзе пешергән ризыкларның рецепты белән уртаклаша.
Бу юлы җырчы яшелчәләр белән сыер койрыгы пешергән. Гади генә савытта түгел, ә әфган казанында.
Ингредиентлар: сыер койрыгы яки башка ит, кәбестә, ташкабак, помидор, кишер, суган, татлы борыч, ачы борыч, тоз, дәфнә яфрагы, 1 стакан су.
Яшелчәләр белән итне чиратлаштырып казанга тутырырга һәм 1,5 сәгать пешерергә. Әзер ризыкны тәлинкәгә салырга, өстенә яшеллек сибәргә.
Тәмле булсын!
