Татар эстрадасы җырчысы Илнат Фәрхуллин сөйгән кызы белән «ТНВ» каналының социаль челтәрдәге «Ә син?» студиясендә кунак булды. Тапшыруны алып баручы Әбри Хәбриев тамашачыларны кызыксындырган сорауны бирде.
– Синең хәзерге вакытта очрашып йөри торган хатын-кызың бар дип беләбез. Башкортстанның атказанган артисты булуыннан тыш, аның турында тагын 1 факт белән бүлеш. Өйләнергә теләгең бармы?
– Бу – дөрес. Ул минем командада администратор булып эшли. Ул гел янәшәмдә, хәзерге вакытта шулай ук янәшәмдә. Коллективта биюләр куя, командада бии. Өйләнергә теләгем бар.
– Кайчан?
– Җомга дип торабыз.
– Юк, әйдә, шимбә. Җомгада бөтен артистлар килә алмый. Әле шимбәсе дә авыр аның. Якшәмбе ясасаң күбрәк алып баручы таба аласың.
«Казан егетләре» төркеменең элеккеге солисты Илнат Фәрхуллинның беренче никахыннан 2 баласы – улы һәм кызы бар.
Җырчы сөйгәне турында «ТНВ» видеосының 48.00 минутында сөйли.
