Илнат Фәрхуллинның бик каты пешеп, хастаханәгә эләгүе турында «Интертат» язган иде. Җырчының хәле әкренләп җиңеләя башлаган.
Аллаһка шөкер, бүген инде җиңелрәк, – дип сөйләгән ул үзенең сторисларында. – Бик күп шалтыратулар килә. Эш телефонына да, үземә дә шалтыраталар. Апайлар, абзыйлар үзләренең минеке кебек булган очракларын сөйлиләр, киңәшләрен бирәләр. Бүген 10 банка система куячаклар. Уколлар, антибиотиклар ясыйлар. Бүген төнлә 3 сәгатьтән артык йокладым. Җылы сүзләрегез өчен барыгызга да зур рәхмәт. Мондый дусларым янымда булганда, Аллаһ боерса, терелеп чыгарбыз, – дигән Илнат.
Әнинең халаты миңа килешәме? – дип тә язып калдырган җырчы, шаяртып.
«Әниеңнең халатыннан булгач, тиз төзәләчәксең, энем»;
«Илнат, Аллаһы тәгалә ярдәменнән ташламасын. Үтә торган чир булсын!»;
«Нормально пешкәнсең, брат… Тизрәк терел»;
«Күз тиядер сезгә, Илнат, барысы да яхшы булыр, Аллаһ боерса», – дип теләкләрен язып калдырганнар Илнатка сәхнәдәш дуслары һәм «подписчик»лары.