Илнат Фәрхуллин әнисенең яман шештән соң аякка басуын әйтте: «Бер ел буе әнине карадым»

Эстрада җырчысы Илнат Фәрхуллин тормышында булган авыр елларын сөйләде. Ул чакта аның әнисе яман шеш белән көрәшкән һәм шул ук вакытта Илнатның үзе әйткәнчә – «беренче гаиләсендә» дә аңлашылмаучанлыклар башланган. Язмышы турында ул Башкортстанда «башкорт хуҗабикәсе» исеме белән танылган Миләүшә Шәйхелисламовага сөйләгән.

«Минем бөтен әйбер бер вакытка өелде. Әнидә яман шеш – 1 ел буе хастаханәдә әнине карарга туры килде... Шундый авыр хәлләр булды 3 еллар элек. Үземнең беренче гаиләмдә...» – дип сөйләүдән туктый да тагын дәвам итә. – Әнине аякка бастырдык. Без гаиләдә 5 малай, әтисез үстек. Безне әни берүзе аякка бастырды. Әти белән алар миңа 5 яшь вакытта аерылыштылар… 2 абыем полициядә эшли. Әти җырлый иде. Ул тракторист, тракторда җырлаган инде. Әни гармунда уйный», – дип сөйләгән ул үзенең гаиләсе турында.