Җырчы Ильмира Нәгыймовадан тамашачылары өчен сөенечле яңалык – аның «Җаным» җырына клибы чыкты.
«Җаным» җырының клибына премьера. Бу юлы «просто» сезнең өчен бөтен күңелем белән җырладым һәм биедем. Сезгә ошар дип өметләнәм», – дип язган Ильмира социаль челтәрдәге сәхифәсендә һәм «ТМТВ» татар музыкаль каналына рәхмәтен җиткергән.
Гомумән әйткәндә, клипны нык җылы кабул иткәннәр. «Бик матур җыр», «Матур клип», «Текә!», «Чибәркәй!», «Шундый матурсың, күзләр тимәсен», «Афәрин, Ильмира!» – кебек җылы сүзләр бихисап күп язганнар.
Берәү, хәтта, тискәре комментарийларның юклыгына сәерсенеп: «Ә кая китте усал апалар? Бакчадан керә алмыйлардыр инде, комментарийлар язарга», – дип шаярткан.
Җырчының «Телеграм» каналында исә алай да клипның кимчелекләрен табучылар булган: «Зәңгәр костюм урынсыз» (ачык образ – авт.), «Зәңгәр костюм кигәндә күкрәге ясалма, әйтерсең лә пластик. Ә кара костюм кигәч, күкрәк каядыр юкка чыккан», – дип язучылар бар.
Клипны сезнең игътибарыгызга тәкъдим итәбез.
