Ильмира Нәгыймованың кызы, машинадан чыкканда, ишек белән, янда торган машинаны кырдырган. Бу хакта җырчы социаль челтәрдә хәбәр итә.
«Бала бит инде ул, нишләтәсең… Әнә хәзер елап утыра инде. Кечкенә генә бер эз инде, хәзер ГАИ көтеп утырабыз. Үзара гына хәл итик, дип әйтеп карадым. Юк, бик усалланып чыкты машинасыннан, җитмәсә, безнең күрше икән…
Нәтиҗәдә, ГАИ килмәде, участок полициясе килеп ачыклык кертәчәк, диде. «Сез мине 1500 сумга утырттыгыз», – ди. Кешечә сөйләшсә, мин 5 мең сум бирергә дә риза идем инде. Ярар, бәхетле булсын», – дип бүлешә җырчы.