Ильмира Нәгыймова социаль челтәрләрдә чираттагы премьерасы – «Ялынмагыз» җырын тәкъдим итте. Җырның сүзләрен һәм көен Гөлнар Исхакова иҗат иткән.
Туктатмагыз «китәм» дигәннәрне,
Китә икән – китә бирсеннәр.
Якты калмаса да күңелләрдә,
Эз калдырып кына үтсеннәр.
Ялынмагыз «сөймим» дигәннәргә,
Сатып алып булмый сөюне.
Лаек түгел алар, аңламагач,
Чын йөрәктән янып көюне...
«Бик матур җыр. Сүзләре бик дөрес», «Рәхмәт сиңа, йөрәккә үтеп керә торган җыр», – дип килешкән җырчының иҗатын күзәтеп баручылар.