Ильмира Нәгыймова социаль челтәрдәге сәхифәсендә борчуы белән уртаклашкан.
Видеода җырчы машинада руль артында моңсу җыр тыңлап бара, күз яшьләренә дә ирек биргән.
«Кәефем бүген шундыйрак. Бертуган энем махсус хәрби операциядә, ярты ай инде элемтәгә чыкмый. Бик борчылам», – дип язган ул.
Ильмираның энесе махсус хәрби операциягә 1 ел элек китте. Ул берничә тапкыр кыска вакытлы ялга кайтты. Соңгы кайтканында энесе Айнурның частеннән әтисе исеменә Рәхмәт хаты да җибәргәннәр иде.