Җырчы Ильмира Нәгыймова социаль челтәрдәге сәхифәсендә язылучыларының сорауларына җавап биргән. Алары хәтта җырчының аяк киеме үлчәме белән дә кызыксынган.
«42 размер», – дип язган җырчы әллә чынлап, әллә шаяртып.
«Өченче бәбәй алып кайту уе бармы?» дип сораучыга «Аллаһ боерса, өченчене дә, дүртенчене дә» дип җавап биргән җырчы.
«Марат Яруллин белән дуэт ничек барлыкка килде? Ни өчен «Соңгы бию» җырын нәкъ менә аның белән җырларга булдыгыз?» – дип сораган җырчының иҗаты белән кызыксынучы.
«Ул бергә видео төшерергә тәкъдим итте. Шуннан комментарийларда «дуэт телибез» дип күп яздылар. Халык соравы буенча килеп чыга. Менә шулай», – дип җавап язган Ильмира.
