Җырчы Ильмира Нәгыймова элекке ире Руслан Кираметдиновның үзенә һаман да хатлар язуы хакында сөйләгән. Бу хакта ул социаль челтәрләрдә туры эфир вакытында үз язылучыларының сорауларыңа җавап биргәндә әйткән, дип яза «Шәһри Чаллы» газетасы.
«Сез элеккеге ирегез белән аралашасызмы? Нинди мөнәсәбәттә сез?» – дип сораганнар Илмира Нәгыймовадан.
«Ул миңа язгалый. Бер язганда 70әр хат яза, хәтта! Мин җавап бирмим. Иртән уянып китеп, телефонга күз салсам, 80шәр хат та булгалый! Яртысын бетереп тә куя шунда. Нәрсә язганын әйтеп тормыйм инде», – дип сөйләгән җырчы.