Ильмира Нәгыймованың күлмәк итәгенә ат баскан
Җырчы клип төшергәндә аз гына бәлагә юлыкмаган.
Ильмира Нәгыймованың «Чәлперәмә килә горурлыгым» җырына клибы чыкты. Җырчы үз сәхифәсенә клипка кермәгән өлешен куйган.
Видеода җырчы бер ир-ат белән янәшә атлый, икесе дә ат «җитәкләгән». Бер мизгелдә ат җырчының күлмәк итәгенә баса. Күлмәк ат баскач та ертылмый. Шул уңайдан җырчы тегүчегә «күлмәкне нык теккәнсең» дип рәхмәт әйтә.
Тамашачылар җырчы өчен курыккан. «Ат аздан гына аягыгызга басмады», «Әле ярый аягыңа басмаган, үзәкләрең өзелә иде», «Бәладән Аллаһ саклаган инде», дип комментарий калдырган җырчыны яратучылар. Инстачыларның берсе атны ничек җитәкләп барырга икәнлеген дә җентекләп аңлаткан.
