Ильмира Нәгыймованың чит ир-ат белән төшкән клибы чыкты
Инстачылар җырчының үз ире Руслан белән төшкән клипларын яратулары хакында язган.
Ильмира Нәгыймова «Элеккечә яратам» дигән җырга төшерелгән яңа клибын тәкъдим итте. Җырның көен Таһир Әсәдуллин, сүзләрен Гөлфия Шакирова язган.
Инстачылар җырны һәм клипны ошаткан. «Матур кешегә һәм матур табигатькә карарга күңелле», «Югары дәрәҗәдә булган», «Визажист супер», дигән комментарийлар калдырган җырчының тамашачылары.
Ильмира Нәгыймова клипта чит ир-ат белән төшкән. Бу инстачыларны борчуга салган. «Соңгы вакытта ирегез Руслан белән клипларыгыз күренми. Русланны кая куйдыгыз?» - дигән сорауга: «Ул миннән качты», - дип җавап язган җырчы. Бу сорауга бер инстачы: «Аны оныт, мин аңа өйләндем», - дип тә язган.
«Мин Руслан белән клип төшерүен телим! Яратам Руслан белән икесен!» — дип таләп иткән берсе.