Ильмира Нәгыймовага сабын урынына балчык кулланырга киңәш иткәннәр
Тамашачылар җырчыны матурлык серләренә төшенергә өйрәткән.
Җырчы Ильмира Нәгыймова концерт алдыннан бизәнү процессын видеога төшергән. «Гөлназ, матурлык өчен рәхмәт!!! Яратам», — дип язган Ильмира.
«Шул кадәр кремнар кулланып бизәндерсәләр, мин дә бик матур булыр идем», — дип зар белдергән бер ханым.
«Сез болай да бик матур!» — дип җавап кайтарган җырчы.
Инстачылар Ильмира Нәгыймовага киңәшләрен дә кызганмаганнар.
«Татар милли киемнәрен кисәгез, ничек булыр иде икән?! Биткә әллә нинди мәтдәләр сөрткәнче, аны чиста тоту да җитә — элек сабын булмаганда балчык кулланганнар. Битне үләннәрдән ясалган төнәтмәләр дә чистарта. Керфекләргә тушь та ярамый — балык ашагыз, ул чәчләрне, тырныкларны ныгыта»;
«Балык мае нык файдалы, бер сүзем дә юк. Әмма балык мае ашап кына популярлык казанып булмый. Матурлык, косметика, зәвыклы киемнәр бик кирәк!»;
«Ильмира, матур! Голливуд ял итә! Лопес-попеслар читтә торсын», — дип мактаучылар да күп.
