Илмира Нәгыймова куркуын җиңгән
Җырчы һәм аның балалары дельфиннар белән йөзгән.
Җырчы Илмира Нәгыймова дельфиннардан курка торган булган. Бу турыда ул инстаграмдагы сәхифәсендә язды.
«Дельфиннарны яратасызмы? Мин биш ел элек алардан бик нык курка идем. Ниһаять, үземнең куркуымны җиңеп, суга төшеп, алар белән рәхәтләнеп йөздем. Ул хисләр, энергия — искитмәле», — дип яза Илмира.
Илмираның улы Камил дельфиннарга гашыйк булган. «Әни, мин дельфиннарны гына яратам», — дип әйткән.
Инстачылар Илмирага кызыга, йөзәселәре килүен язалар. «Бик яратам, ләкин судан куркам», — дип әйтүчеләр дә бар.
«Илмира, дельфинның өстенә менеп, үтерәсең бит», — дип шаяртучы да табылган.