видеодан скриншот
Һиндстанда ярминкә вакытында аттракцион 15 метр биеклектән ишелеп төшкән. Бу турыда «Вести» каналы хәбәр итте.
Фаҗига якшәмбе көнне Пенджаб штатындагы Мохали шәһәрендә була. Шаһитлар бу хәлне видеога төшереп ала.
«Әйләнә торган тәгәрмәч» ишелеп төшкәндә, аның эчендә кешеләр була, җиргә бәрелгәч, кешеләр креслода утырган килеш кире очып менеп китә.
Гадәттән тыш хәл вакытында аттракционда иллеләп кеше була. Ике дистәләп кеше имгәнгән, алар арасында балалар да бар. Тикшерү эшләре бара, диелә хәбәрдә.
