Илгиз Шәйхразиев «Синсезлек» җырына клипны Нью-Йоркта төшергән

Yummy music лейблы артисты яңа җырының сүзләрен дә, көен дә үзе язган.

Абдул Фархан

Yummy music лейблы артисты Илгиз Шәйхразиев «Синсезлек» җырының клибын тәкъдим итте. Клип Нью-Йорк шәһәрендә төшерелгән. Җырның сүзләрен һәм көен Илгиз үзе иҗат иткән. Тавыш режиссеры — Данис Закиров.

«Әлеге җыр минем башымда тектоник хәрәкәтләр булган чорда туды», — дип яза ул инстаграм сәхифәсендә.

«Синсезлек»

Иртәгә,

Иртәгә кабат сине сөярмен.

Бездә шундый уен.

Белмәгән,

тоймаган адәм аңламас аны

Икәүле дөньяны.

Бар да үтә,

Жәлләми вакыт.

Ләкин без икәү

Дәвасын таптык.

Синсезлекне

Тешләремне кысып түзимме?

Арада зур кораблар батканда

Мин йөзимме?

Мин түзимме?

Сизгәнсеңдер,

Минем кояш та беркөн сүнде.

Хәзер барам ерак йолдызларга,

Канга бәреп тезләремне.

Ә син әзерме?

Шәһәрләр, юеш урамнар

Оныта безне,

Еллар юа эзне.

Йолдызлар чиксез галәмдә

Юата төсле.

Кичер синсезлекне.