Татар эстрадасының яшь, талантлы, өметле җырчылары Илгиз Мөхетдинов һәм Диана Мөхетдинова әти-әни булган. Бу хакта алар социаль челтәрдә хәбәр итте. Балага Ризван дип исем кушканнар.
Дөньябызга рәхим ит, улым, Ризван Илгиз улы, – дип язган алар.
Яшь җырчылар гаиләсен котлап, матур сүзләр ирештергәннәр: «Сау-сәламәт, бәхетле, тәүфыйклы, озын гомерле сабый булсын. Тигезлектә үстерергә язсын»; «Яңа тормыш башланды, бәбигә һәм әнисенә сәламәтлек, әтиләренә сабырлык телим, йортыгыз мәхәббәт белән тулсын»; «Әти-әнисенең куанычы булсын, егет»; «Бәхетле бала булып үссен, сезне гел шатландырып торсын»; «Сөбханалла, нинди шәп яңалык!» – дип котлаганнар.
- Илгиз һәм Диана Мөхетдиновлар Нәҗип Җиһанов исемендәге Казан дәүләт консерваториясен тәмамлаган, Халыкара конкурслар лауреатлары. Диана Мөхетдинова соңгы елларда «Болгар кызлары» триосы составында чыгыш ясаган иде.
