Җырчы ИлГәрәй социаль челтәрдәге сәхифәсенә хатыны Айгөл белән биегән видео куйган. 40 яшькә җиткәндә бергә биегәндә нәрсә турында сөйләшүләре турында да язган.
– Матурым, әйдә, биеп алабыз.
– Давай, телефон авыр, кая куярга?
– Мин үземнекен кесәгә салдым.
– О, минекен дә алып куй әле. Минем муеным оеды.
– Матурым, минем һаман да билем авырта.
– Кайткач май сөртербез, яме.
– Әйбәт булыр иде.
– Минем соңгы вакытта тезләрем авырта.
– Роза Булатовна язган барлык даруларны эчәрбез яме.
– Әйе инде, кайчан бетә инде бу җыр, утырасы килә. Миңа башыңны куйма, макияж бозыла.
– Әйдә үбешәбез, каты итеп.
– Кит, тиле, үбеп кенә кара мине кеше алдында. Оялам, дим бит.
