Җырчы, аранжировкалар остасы Илдус Дәүләновны Балтач районына Яшьләр көненә чакырганнар. Ләкин ул көнне тамашачылар Дәүләннең чыгышын көтеп җиткерә алмаган. Җырчы чарада җырлаудан баш тарткан. Ул моны «техник сәбәпләр аркасында» дип аңлата. Сәхнә урынына җырчы һәм аның командасы табигать кочагында ял итүне сайлаган.
«Бу видео безнең Балтачка Яшьләр көненә барып кайтуыбыз турында. Җиһазларны сәхнәгә куйганда техник проблемалар килеп чыгу сәбәпле, без бу чарада чыгыш ясаудан баш тарттык. Сарыф ителгән вакытны һәм нервларны компенсацияләү өчен, командабыз белән Каракүлдә ял итәргә булдык», – дип язды ул бу хакта.
