Гүзәл Уразова белән Илдар Халиков «Яратам шул» җырына кызыклы, креатив клип төшергән. Клипта Илдар робот булып уйный. Бервакыт робот-Илдарның батареясы да бетә, Гүзәл аны зарядкага куя. Бактың исә андый «робот»лар зарядканы озак җыя икән, Гүзәл көтеп арып бетә. Аннары Гүзәл роботны кире дә кайтармакчы була, әмма гашыйк булганын аңлап, «алып калырга» була.
«Мондый роботны нинди сайтта заказ бирдегез?» – дигән сорауга «Роботы.ру» дип җавап биргән җырчы.
Тамашачылар клипны ошатулары, әллә ничә тапкыр караулары хакында комментарий калдырган.