Пародия остасы Илдар Ямалиевтан лагман рецептын тәкъдим итәбез.
Ингредиентлар: ит, кишер, кузаклы фасоль, помидор, суган, татлы борыч, бәрәңге, тоз, борыч, су һәм махсус токмач.
Итне казанда 10 минут чамасы кыздырырга, суган һәм кишер салып тагын биш минут кыздырырга, аннары помидор белән татлы борыч, бәрәңге, фасоль, су (шулпалы яратучылар күбрәк сала ала) салып томалап пешерергә куярга.
Икенче савытта лагман өчен махсус токмач пешерергә.
Табынга биргәндә, тәлинкәгә башта токмач, аннары яшелчәне салырга. Кемгәдер шулпалы лагман ошый икән, аны күбрәк салырга мөмкин яки киресенчә.