Илдар Хәкимов хатынының әти-әнисенә: «Үзең кыз бала үстереп караганда гына аңлыйсың икән»

Гүзәл Уразованың әтисе белән әнисе аның концертында булган. Казанда узган концерт вакытында Гүзәл Уразова сәхнәдән төшеп, тормыш иптәше Илдар Хәкимов белән, әти-әнисенә чәчәк бәйләмнәре тапшырган. Аларга беренче булып кияүләре Илдар Хәкимов рәхмәтен белдерә.

«Әти-әни, сезгә шуны вәгъдә итәм, – дип якынлаша ул бабай белән әбисе янына. – Кыз баланы үстереп биргәнегез өчен зур рәхмәт, үзең кыз бала үстереп караганда гына аңлыйсың икән ул. Бер дә борчылмагыз, әти-әни, мин сезгә менә шушы балакайны күз карасыдай сакларга вәгъдә бирәм. Рәхмәт сезгә».

Уразова сүзләренчә, алар елына 180нән артык концерт куя һәм шуларның берсенә генә аның әти-әнисе килеп, тамашачы урындыгында утырып, концерт карый ала икән.