Илдар Хәкимов белән Гүзәл Уразованың уртанчы кызы Камилла «Әти-әни – пар канатым» дигән яңа җыр яздырган.
«Әниләр көне уңаеннан Камилладан премьера – әти-әни турында яңа җыр. Җырның сүзләрен Чаллыда яшәүче Рәзинә Сәетгәрәева язды, ә көен Илдус Дәүләнов иҗат итте», – дип язган Гүзәл Уразова.
Иҗади гаилә белән кызыксынучылар Камиллага уңышлар теләгән, аның татар телендә җырлавын хуплаганнар.
Комментарий калдыручылар арасында «мода китте, барысы да балаларын җырлата» дигән комментарий да бар.
«Сезнең дә балаларыгыз курчак кебек матур. Үзләре өчен җырласалар да, яздырып куйсалар, яхшы булыр. Гел җырларлык кына булсын иде әле ул», – дип җавап язган җырчы.
