Илдар Хәкимов Әнвәр Нургалиевка кызыклы тәкъдим ясаган
Иҗади гаилә чираттагы очрашудан видео куйган.
Соңгы вакытта Илдар Хәкимов белән Гүзәл Уразова төрле төбәкләрдә Әнвәр Нургалиев белән очраша башлаган. Иҗади гаилә чираттагы очрашудан кызыклы видео куйган.
Видео янына «Дуслар, әйдәгез әле, «Кайда карама Әнвәр» дигән җыр языйк әле», — дип язылган. Җырчылар Мәскәүдә «шабашка»да очрашкан.
«Сезнең дә концертлар юкмыни? Сезгә хәзер ял кирәк инде, күңелле мәшәкатьләрегез бар», — ди Әнвәр Нургалиев, Гүзәл Уразованың бәби көтүенә ишарә ясап.
«Бәлки, син дә үзеңә мәшәкать эшләрсең», — дип шаярта Илдар Хәкимов.
«Белмим инде, кайтып сөйләшергә кирәк. Сезнең концертлар мәшәкатьләрдән соң, безнеке мәшәкатькә кадәр булыр әле», — ди Башкортстан җырчысы.
