Илдар Хәкимов белән Гүзәл Уразова җыр авторының теләген чынга ашырган
Иҗади гаилә үзенчәлекле җырга клип та төшергән.
Илдар Хәкимов белән Гүзәл Уразованың «Чакыру» җырына клиплары музыкаль мәйданчыкларга чыкты. Алар бу җырны яздырып мәрхүм авторның теләген чынга ашырган.
«Әлеге җырның авторы Фаил Абдраков. Ул исән чагында: «Шушы җырымны Илдар белән Гүзәл җырласа иде», — дип әйтеп калдырган булган. Бу хакта безгә аның улы әйтте. Фаил әфәнденең теләген чынга ашырдык. ⠀⠀
Бәлки, бүгенге җырлардан бераз аерылып торадыр. Безгә бик ошады», — дип язган җырчы.
Иҗади гаиләнең тамашачылары да яңа клипны бик ошатулары турында комментарийлар калдырган.
