Җырчы Лилия Хәйруллина социаль челтәрдәге сәхифәсендә «Җиләттең» дигән яңа җырын тәкъдим итте. Ул аны татар рок төркеме «Gauga» белән яздырган. Җырның исемен аңламаучыларга ул «җиләттең» сүзенең мәгънәсе «надоел» икәнен аңлаткан.
«Синең өчен вакытым да бар,
Теләгем дә күп.
Онытылма … (бу сүзе аңлашылмый)
Йөрәгемне ал,
Күңелемә үт.
Синең өчен берни жәл түгел…» дип җырлый Хәйруллина.
- Татарда мондый сүз юк дип уйлаучыларга: «Җиләтү» – аңлатмалы сүзлеккә кергән диалектакль сүз. Аның мәгънәсе – Берәр нәрсәне күп һәм еш кулланып туйдыру, тәмам биздерү. Русчасы «утомлять/утомить, изнурять/изнурить, изматывать/измотать, надоесть, наскучить»
«Лилия, син – ут», «Мегатекә» булган», «Афәрин», «Шәп булган бу», – дип, җырчыны канатландырган тыңлаучылары.
«Берәр сериал төшерергә кирәк инде, бу җыр саунтрек булсын өчен», – дип язучыга: «Миңа бу фикер ошый», – дип җавап биргән җырчы.