Якутиядә югалган гаиләне эзлиләр. Ир белән хатын һәм аларның ике баласы дүшәмбе көнне машинага утырып Мохсоголлох бистәсеннән Улу-Верхняя Амга авылына таба чыгып китә. Бу турыда өлкәнең Эчке эшләр министрлыгына сылтама белән РИА Новости яза.
Социаль челтәр кулланучылар хәбәр иткәнчә, 8 һәм 10 яшьлек балалар, аларның әти-әнисе Алдан районы ягына таба җиләккә барган. Шуннан бирле алар турында белешмә юк.
Эчке эшләр министрлыгы белешмәсе буенча, бу кешеләрне полиция эзли.
«28 июльдә кич белән Россия Эчке эшләр министрлыгының Хангаласск районы буенча бүлекчәсенә Булгунняхтах авылыннан бер хатын-кыз мөрәҗәгать итә. Ул 25 июльдә Мохсоголлох бистәсенең паром кичүеннән Алдан районының Улу-Верхняя Амга авылына таба машина белән дүрт туганы – ир белән хатын, аларның ике баласы китүен сөйли. Туганнары әлегә кадәр элемтәгә чыкмаган. Хәзерге вакытта хәбәрсез югалган кешеләрне эзләү бара», диелә ведомство хәбәрендә.