Җырчы Зәринә Хәсәншина «Үрмә гөл» җырына клип төшергән. Ул – җиләк сатучы кыз белән җәй нигъмәтләрен сатып алырга туктаган егет мәхәббәте турында.
«Ниһаять, клипны сезгә дә тәкъдим итәм. Ошаса да, ошамаса да языгыз әле, ничек булган? Миңа бу мөһим. Бу җәйне шушы клипка төшереп, хатирә итеп ясап калдырдык. Киләсе җәйләрдә тагын да яхшыларын эшләргә язсын, – дигән Зәринә.
Клипта төп ролне алып баручы Илнур Фәсхетдинов уйнаган. «Бу егетне сайлап ялгышмаганмындыр. Илнур, бүгеннән синең «подписчицалар»ың аеруча артыр, дип уйлыйм», – ди җырчы.
«Шәп! Шәп! Шәп!»;
«Җыры да, үзең дә искиткеч»;
«Ахыры бигрәк матур тәмамланды»;
«Шундый ихлас, матур клип. Фильм караган кебек карап чыктым»;
«Хәзер бу клипның икенче сериясе кирәк инде», – дип язалар Зәринәгә клипны караучылар.
Клипта Зәринәнең үзен төрек сериалы герое – Эда Йолдыз, егетен – Серкан Болатка охшатканнар. Зәринә клипның төп герое белән пар килгән, дигән фикерләр дә күп.
Клиптан җиләк һәм җәй исе килә. Сез дә карагыз әле!