Саба районы Иләбәр авылында яшәүче Исмегөл Зәйнуллина әбиләрнең чана шуганын видеога төшереп Инстаграмга куйган.
"Бер картлыкта, бер яшьлектә дип, әбиләр чана шуды бүген. Менә кайда ул Иләбәр әбиләр пати. Авылыбыздан ерак түгел генә тау бар, шул тауга туктап торып, утырып, ял итә-итә менеп җитәсең дә, рәхәтләнеп шуып төшәсең. Яшьләрдән бер дә ким түгел үзебез. Табигате ни тора, чит илләрен бер җирдә торсын. Кызык бит, күңелле бит, чыннан да!" - дип язган Исмегөл апа.
Инстачылар әбиләрне "Молодцы! Эшли дә беләләр, ял да итә беләләр", - дип хуплаган.
