Ике яшьлек игезәк балаларны салкында урамда ялгызларын калдырганнар

Башкортстан буенча Эчке эшләр министрлыгы хәбәр итүенчә, тәртип сакчылары урамда үзләре генә йөргән балаларны күреп ала. Бу хакта «Башинформ» хәбәр итә.

«Балалар табибларга тапшырылган. Алар профилактик хисапта торган гаиләдә тәрбияләнүче балалар булган», — дип хәбәр итә мәгълүмат агентлыгы.

Социаль челтәрләрдә ике яшьләр тирәсендә ир бала белән кызны игезәкләр дип язалар. Балалар сәламәт, әмма даими рәвештә әти-әниләрен сорап елыйлар дип хәбәр ителә.