Башкортстанда 2020 елда югалган ир-атны табарга ярдәм итешкән кешегә туганнары акчалата бүләк вәгъдә итте. Хәбәрсез югалган 36 яшьлек Геннадий Сычковның туганнары шул хакта искә төшерә. Бу турыда «Башинформ» яза.
«Мәләвез районында 2020 елның 26 декабрендә югалды. Әле дә табылмады. Аны эзләүдә зур эш башкарылды. Ләкин бер ачыклык та юк. Бәлки хәтерен югалткандыр, үзен башка исем белән атыйдыр. Белешмә өчен бүләк гарантияләнә. Фотога төшереп ватсапка җибәрә аласыз 8-963-14-37-645 яки шалтыратыгыз», – дип яза Геннадий Сычковның туган.
Ул абыйсының корсагында операциядән соң калган шрам булуын да әйтә.
Якынча белешмә буенча,Геннадий Юрьевич Сычков 2020 елның 26 декабрендә Яңа Казановка авылындагы сөт заводыннан чыгып китә. Ул биредә «ГАЗель» йөртүче булып эшли. Дарьино авылында яшәүче бу ир-ат өйгә әйләнеп кайтмый. Шуннан бирле аның турында мәгълүмат юк, диелә хәбәрдә.