Ике ел элек вафат булган җырчы Нурисламны тамашачысы искә ала: «Кеше китә – җыры кала»
Бүген җырчы Нурисламның вафатына 2 ел. Әтисенең социаль челтәрдәге сәхифәсен хәзер улы Артур алып бара. Ул анда әледән-әле Нурисламның фотоларын, җырларын куеп тора.
Бүген Артур әтисен моңсу шигырьле фототезмә куеп искә алган. Анда – Нурисламны якыннары, дуслары белән уздырган иң бәхетле мизгелләре.
«Кеше китә – җыры кала. Рухы шат булсын», «Урыны оҗмахта булсын, дускаемның», «Тыныч йокласын», – дип язып калдырган Нурисламның тамашачысы бу пост янында.
Нурислам (Николай Аргаков) — татар эстрадасына соңлап кына, «Зәңгәр күзле кызны сагынам» җыры белән килеп кергән иде. Җырчы йөрәк авыруыннан вафат булды. Улы Артур «Интертат»ка әтисенең авырып, даими кан басымы белән интегүен, әмма аны берничек тә табибларга барырга күндерә алмавы хакында сөйләгән иде.
-
Җырчы Нурисламның улы: «Әти йорты белән саубуллашырга чыгып, ишегалдында җан бирде»
-
Чулпан Әхмәтҗанованың Нурислам исән вакытта төшерергә өлгермәгән клибы чыкты