Башкортстанның Сермән авылында берничә ир-ат арасында низаг сугышка әверелгән. Социаль челтәрләрдә хәбәр ителгәнчә, биредә ике егетне кыйныйлар. Аларга без белән кадыйлар, аннары кимсетәләр. Бу турыда «Башинформ» хәбәр итте.
Агентлык Эчке эшләр министрлыгыннан комментарий китерә.
«Сермән авылында яшәүче ике кешегә тән җәрәхәтләре ясау турында 5 февральдә Белорет районы буенча Эчке эшләр идарәсенә хәбәр итәләр. Урынга килгән полиция хезмәткәрләре якынча ачыклаганча, биредә спиртлы эчемлекләр эчеп утырганда 4 ир-ат талаша. Шул вакытта аларның икесе тән җәрәхәтләре ала. Җинаятьтә шикләнелүчеләрне полиция бүлегенә алып килгәннәр. Аларга карата процессуаль карар кабул ителәчәк», – дигәннәр ведомствода.
