Ике биек йорт арасында канатта йөрүче экстремалны видеога төшергәннәр
Цирк хезмәткәре күршедә яшәүче клоунга кунакка канат аша гына йөри, дип шаярта бу тамашаны күзәтүчеләр.
Санкт-Петербургта экстремал ир-ат ике йорт арасында 15нче этаж биеклегендә тарттырылган канат буйлап йөргән. Әлеге кадрларны РЕН ТВ күрсәтте.
Видеодан күренгәнчә, җан өшеткеч тамашаны уннарча кеше астан карап тора. Урамда көчле яңгыр ява, каты җил исә. Ләкин батыр акробат һава торышына игътибар итми. Билгеле бер мизгелдә артист аска егылып төшеп китә. Ул иминият тросына тотынып кала. Экстремал берничә тапкыр шулай егылып күрсәтә.
Урамда карап торучы кешеләр цирк хезмәткәре күршедә яшәүче клоунга кунакка канат аша гына йөри, дип шаярткан.