Алтайда 2 бала, ут капкан өйдән чыга алмыйча, һәлак булган. Бу турыда Тикшерү комитетына сылтама белән «Вести» каналы яза.
Алтай краеның Алтай районындагы Вавилон авылында 3 июньдә шәхси йорт яна башлый. Агач йортка көндез ут каба. Коткаручылар хәрабәләрне актарганда, 2 сабый мәетен таба.
Ут чыккан чакта өйдә 3 бала һәм аларның анасы була. 3 яшьлек кыз, 6 яшьлек малай һәм яңа туган сабый белән хатын ут эчендә кала. Хуҗабикә хатын күкрәк баласын алып өйдән чыга. Кыз белән малай һәлак була.
Җинаять эше ачылган, тикшерү бара. Гаилә начар буларак хисапта торган, диелә хәбәрдә.