Пермьдә Охотников урамындагы йортта урнашкан фатирда балигъ булмаган яшьтәге балалар үлеменнән соң җинаять эше кузгатылган. Фатирда аңсыз хәлдә 4 бала табылган. Бу хакта vesti.ru хәбәр итә.
Чакыру буенча килгән «ашыгыч ярдәм» табиблары 2007 һәм 2010 елгы 2 балигъ булмаган баланың үлемен теркәгән.
«Беренчел мәгълүматлар буенча, алар сөрем газы белән агуланып үлгән», – дип хәбәр итәләр төбәктәге Тикшерү комитетында.
2011 елгы 2 балигъ булмаган бала хастаханәгә озатылган. Аларга медицина ярдәме күрсәтелә.
Тикшерүчеләр вакыйга урынына килгән. Фаҗиганең сәбәпләре ачыклана.
