Игорь Бутман үзеннән 32 елга яшьрәк кызга өйләнә
Игорь Бутманның алдагы ике никахта туган өч улы бар.
60 яшьлек музыкант Игорь Бутман үзеннән 32 елга яшьрәк Анна Львовага өйләнә. Бу турыда «Комсомольская правда» яза.
Львова Бутман белән бергә эшли, ул пиар өчен җавап бирә, фестивальләр һәм башка чаралар оештыра. Алар ике ел очраша, тиздән алар мөнәсәбәтләрен рәсмиләштерәчәк. Анна туй күлмәген дә күрсәткән инде.
Анна Чиләбе кызы, ул журналист булып эшләгән, артист белән репортаж ясаган булган. Аннары Мәскәүгә күченгән һәм Бутман белән эшли башлаган. Бераздан алар очраша башлый, бу вакытта Игорь Бутман алдагы хатыны белән аерылышкан булган.
Игорь Бутманның алдагы ике никахта туган өч улы бар. Аларның кечесенә 14 яшь, артист баласы һәм алдагы хатыны белән дә аралаша. Анна исә беренче тапкыр кияүгә чыга, диелә хәбәрдә.