Яшел Үзән районының Васильево бистәсе тирәсендә Идел елгасында моторлы көймә әйләнеп капланган. Бу турыда Гадәттән тыш хәлләр министрлыгына сылтама белән «Татар-информ» яза.
Ир белән хатын көймәгә утырып, елгага чыга. Моторлы көймә причалдан китә башлагач, әйләнеп каплана. Ир дә, хатын да суга егылып төшә.
Шул чакта хатынның кулы көймәнең винты астына эләгә. Кулы яраланган хатынны травмпунтка илтәләр.
Ир-атның күкрәк читлеге имгәнә, тик ул хастаханәгә ятудан баш тарта, диелә хәбәрдә.
